ههههههههههههههههههه

كليشه المصارحه :

قبل الذهاب يجب عليك ان تسوي ما يلي :

1- تحديد الموقع المناسب و يفضل أن تبتعد عن سنتر الكليـه و موقع قسم الميكانيـك لأن تنفضح ( كلهم تمساسيح منتظرين اي فلم رومانسي ) .

2- تحديد الموعد المضبوط للذهاب و يفضل الذهاب من الساعه 10 صباحاً الى 12 ظهراً لأسباب انت ما تعرفـها.

3- لا تاخذ وياك اي شي يعني ( ورده ) لان امبيـنه جذب .

4- اذا كنت مدخن غسل سنونك لان من تحجي ويه البنيـه لعتبرك حصان مو انسان لان حلكك يطلع منه انواع من العطور و يفضل ان تشتري علج .

5- عند الذهاب يفضل ان تكون وحدها او مع صديقتـها المقربه لها فقط .

6- قبل الذهاب بلحظات يعني وانت في الطريق اليـها طبق ما بلي .

1- اخذ نفس عميق .

2- خجل شويـه .

3- نزل راسك ( حتى تكول هذا شكيد فقير ) سوده عليـه ( المسكيـن مكيـف و هو ميدري هي تقصد انه شايفته يم الترفك لايـت ).

4- خلي وجهك يصير احمر و اصفر يعني خلي ينطي الوان ( حتى تكول هذا مبين على صدك و اول مره )

5- خلي جماعتك يكونون بعيدين يعني تروح و جماعتك موجودين بالمحاظرات . ( لأن حي على الصلاة راح تخرب الشغله ) .

طرق تحمير و تصفير الوجه :

1- استخدام اليد : و هي ان تضرب نفسك راشديـات الى ان تحمر خدودك .

2- أستخدام اليد ( بس هل مره مو ايدك) : أخاف انت خواف و متكدر تضرب نفسك راشدي استخدم اصدقائك .

3- أستخدام الادوات : المعروف عنها الميك أب شوف وحده من البنات الشعبه بس عندك وياها ميانه ( تجنب للفضائج ) اخذ الميك اب و شوف شغلك .

البدء بالمصارحه :

1- بصراحه ما اعرف مين ابدي وياج اذا اكلج احبج اجذب عليج و اذا اكول معجب بيج مادري شتكولين عليه بس شعوري الج اكثر من اعجاب و احس انه انتى تكدرين تحققيـن احلامي .

2- بصراحه صارلي جم سنه بالكليه و ما شفت وحده حلوه و مؤدبه مثلج و اخلاقها عاليه واني قصدي شريف و الله و اخذي الوقت الي تكدرين تفكرين و تنطيني الجواب المناسب ( لا تلح بالجواب يعني مو تكللها الا هسه اريد الجواب لان تكول عليك هذا اسكت عبيط )

3- اني اسف اذا سببتلج احراج بالكليه و اظن اني جنت خفيف الظل عليج . وهاي اذا وكفت وياك يعني وبيـن قوسيـن مو عافتك وحدك مثل الجلب و طلعت هي كبل. ( سبب الظن : حتى تكول عليك هذا شكيد مثقف) .

ملاحظات مهمه ( اثناء المصارحه ) :

1- لا تشمر على العالم .

2- لا تجذب من عندك لان من اتجذب اتبيـن .

3- لا تسلم على احد . ( وخصوصا بنات ) لان راح تكول هذا شكيد يتلوك .

4- اذا كدرت اشويـه ابجي . ( ولو يا تماسيح مو صعبه عليكم )

.....