طبعآ بالبداية اكيد مراح تصدكوني وهاي مشكلتكم
مره جنت اكتب شعر ف كتبت اول بيت اندك الباب
طبعآ غلست لحد ما خلصت القصيده وهي عباره عن الف وخمسين بيت
طبعآ راح تسئلوني ليش مو الف بالعدله
ومراح اجاوبكم لأن مثل ماذكرت سابقآ مراح اكول
نرجع للقصيدة حزرو شلون جانت القفله مال قصيده
ادري معرفتو ومراح اكلكم لأن انتو هواي تسئلون
المهم طلعت اشوف منو بالباب طلع شاعر مشهور بدون ذكر اسامي
كتله ها سمير صبيح شعندك جاي بس لا تريد تتغده
كلي ولك لا ياغده انت دائمآ ظالمني الدنيا ليل عشيني
عاد خطيه انقهرت عليه واكف بالشمس ربع ساعه لأن مفتحتله بالبدايه اذا تذكرون كملت القصيده العجيبه يلآ فتحتله الباب
عاد فرشتله سفره بالكاع خليت بيها انواع الاجبان ونص قطعه كاهي بايته من البارحه
خلص اكل كلي عاشت ايدك خوش كباب بعد يوميه اجي
كتله هلآ بيك بس المره الجايه جيب اكلك وياك
كال صاص تدلل
وكام خطيه كل ما يجي يجيب اكل حاضر ونكعد نتغده سويه وعم الفرح في ارجاء بيتنا لأن يوميه كام يغديني بيتزا بالجبن المثلثات
___
يلآ اشوفكم بعدين مع قصه جديده
هواي احجي مو بله
__
بالمره القادمة انطيكم بيت من القصيده عود